സീൻ -1

 ഇരുണ്ട ഫ്രെയിം, അതിൽ നിറയുന്ന കോഴിയുടെ പിടച്ചിൽ, കോഴിക്കടയിലെ ഡ്രമ്മിൽ നിന്നു കേൾക്കുന്ന പിടച്ചിൽ... ഫ്രെയിമിലേക്കു മിന്നൽ പോലെ ഫ്ലാഷ്‌ വെളിച്ചം.അതു തുടരുമ്പോൾ കോഴിയുടെ കഴുത്തറക്കുന്ന കടക്കാരന്റെ മിന്നുന്ന ചിത്രം.ഒപ്പം കോഴിതാളവും. 

സീൻ - 2

 ബലിക്കല്ല് - പകൽ 

ഒരു ഗോത്ര വർഗ്ഗ സമൂഹത്തിന്റെ ബലിക്കല്ല്. അതിൽ കഴുത്തറുത്ത കോഴി. രക്തം പുരണ്ട കോഴി. ഫ്രെയിമിൽ ബലിക്കല്ലാണു ഫോക്കസ്‌. പിന്നിൽ നൃത്ത ച്ചുവടു വയ്ക്കുന്ന ആദിവാസികൾ( അവ്യക്തം) പശ്ചാത്തലത്തിൽ ഇപ്പോൾ ഒരു ഫോക്‌ സോങ്ങാണു. 

സീൻ -3 

പുറം - രാത്രി 

വീടിനു പരിസരത്തു എവിടെയെങ്കിലും ഒരു കോഴിക്കൂട്‌. കുറേ കോഴികൾ. അവകൾ എന്തോ കണ്ട്‌ ഭയന്നിരിക്കയാണു. അവരുടെ കലപില ശബ്ദം. പുറത്തു ഒരു നിഴൽ പോലെ കുറുക്കൻ. 

കട്ട്‌. 

സീൻ - 3. എ

 മുറി - രാത്രി

 ഇന്റീരിയർ 

ഒരു റേപ്പ്‌. കട്ടിലിൽ ഒരു പെൺകുട്ടിയുടെ കാലുകളിൽ അമർത്തി പിടിച്ചിരിക്കുന്ന രണ്ടു ബലിഷ്ഠമായ കരങ്ങൾ. പശ്ചാത്തലത്തിൽ പെൺകുട്ടിയുടെ പ്രതിരോധവും,ഭയന്നു നില വിളിക്കുന്ന കോഴി ക്കൂട്ടവും. സീൻ - 4 ഒരു തീൻ മേശ - പകൽ ഒരു പ്ലേറ്റിൽ നിറച്ചു വച്ചിരിക്കുന്ന ചിക്കൻ ഫ്രൈ. മേശക്കരികിൽ ആരും ഇല്ല. 

സീൻ - 4 എ 

പ്ലേറ്റിൽ മലർത്തി വച്ചിരിക്കുന്ന ക്യാമറ. അതിരിക്കുന്നത്‌ തീൻ മേശക്കു നടുവിലാണു. ചുറ്റും കുറേ പ്പേർ . എല്ലാവരും ഒരു നിഴൽ പോലെ. ആരുടെയും മുഖം വ്യക്തമല്ല. പശ്ചാത്തലത്തിൽ മുമ്പു കേട്ട ആരവങ്ങളുടെ(കോഴിക്കടയിലെ ഡ്രം, ഫോക്‌ സോങ്ങ്‌,പെൺകുട്ടിയുടെ കരച്ചിൽ ) മിക്സിംഗ്‌ മ്യൂസിക്‌. 

സീൻ - 4 ബി 

പ്ലേറ്റിലേ ക്യാമറയിലേക്കു വന്നു കുനിയുന്ന മുഖങ്ങൾ, ക്യാമറ കണ്ണിലൂടെ. അതു റിയൽ ഫിഗറല്ല, എല്ലാം കോണിച്ച മുഖങ്ങൾ. ഓരോ മുഖവും ക്യാമറയിൽ വരുമ്പോൾ അവരുടെ പേരുകൾ ആരോ ഉറക്കെ പറയുന്നുണ്ട്‌. 

രവി....

 പത്രോസ്‌ ....

. ഭാസി... 

സിദ്ദീഖ്‌ ....

 കുട്ടപ്പൻ....

Sent from my iPhone